نص مسرحية أشرف أبوجليل التي توثق لقضية نصر أبوزيد

14 02 2010

لامانع من نشر المسرحية  وكل أملي نشرهذه المعلومات مع المسرحية على سبيل التقديم مثلا  

هذه المسرحية فازت بالمركز الثاني في مسابقة الإدارة العامة للمسرح
وطبعتها في سلسلة الجوائز الصادرة عن الهيئة العامة لقصور الثقافة
وقدمتها فرقة سعد الدين وهبة بالنادي الثقافي بالمعادي من إخراج أشرف أبوجليل برعاية
الجمعية المصرية للتنوير عام 2000  وسط حضور جماهيري تجاوز 1000 مواطن
وبحضور  بعض مجلس إدارة الجمعية منهم الدكتور محمود خيال
للمؤلف مسرحيتان تسجيليتان أخريان الأولى عن معركة الدكتور فرج فودة وقد فازت
بالمركز الأول في مسابقة التأليف المسرحي بالمركز القومي للمسرح إبان
رئاسة الفنان محمود الحديني ونشرها المركز القومي للمسرح في كتاب “
الإرهاب وأثره على المجتمع وقدمتها فرقة سعد الدين وهبة من إخراجه في
معرض القاهرة الدولي للكتاب لمدة خمس ليال وسط حضور جماهيري طاغ تجاوز
الألفي مواطن في إحدى الليالي وكان حاضرا الفنان محمد نوح وبعض رجال
جمعية التنوير الراعية أيضا ومنهم الدكتورمحمود خيال وقدمت في نادي المسرح
بحزب التجمع المقر المركزي لمدة 3 ليالي وفي صالون الدكتور وسيم السيسي بالمعادي
وفي النادي الثقافي بالمعادي
كما أن له مسرحية لم تنشر بعد عن معركة المفكر المصري الذي تم تشريده
أيضا الذي يعد صاحب أول كتاب عن الاشتراكية الذي تجاوز سلامة
موسى ولكن يد القهر الديني قضت عليه وفصلته من عمله وحرمته من مكافأة
نهاية الخدمة ليعيش في الظل من عام 1930 إلى أن أعاد اكتشافه الدكتور علي
الدين هلال عام 1968 وقدم عنه ثلاث حلقات في مجلة المصور عام 68وقدمت
المسرحية بانادي المسرح بحزب التجمع والنادي الثقافي بالمعادي أيضا من إخراجه وقدمت في مهرجانين للمسرح هما مهرجان شبرا المسرحي ومهرجان سمنود المسرحي

 

 

 

 

 

 

 

 

 

 

 

 

سكلانس

 

مسرحية تسجيلية وثائقية

عن مأساة الدكتور / نصر حامد أبو زيد 

 

   تــأليف : أشـرف أبـو جليـل

 

 

 

 

 

 

 

 

 

 

 

 

إشــارات :

 

كل ما ورد من أراء على لسان الشخصيات موثق بالنشر بداية من عنوان المسرحية حتى بعض الألفاظ السوقية .

 

المشهد الأخير لم يكتبه الواقع بعد وأتمني أن تكتبوه بخيالكم أنتم 

 

الأشعار الواردة في المسرحية للشاعر ماجد يوسف رئيس قناة التنوير بالتليفزيون المصري 

 

 

 

 

 

 

 

 

 

 

 

 

 

 

 

 

المشهد الأول

 

صالة في شقة د. نصر حامد أبو زيد تسمع أصوات متداخلة على السلم بينما يدخل فرد ليدير جهاز تسجيل . تصدر موسيقي زفاف بصوت منخفض لا يؤثر على أصوات من سيدخلون بعده أثناء دخوله يردد .

 

فرد1 : سمع هس نسمع شوية مزيكا لأجمل عروسين في مدينة 6 أكتوبر كلها

 

(يدير جهاز التسجيل يدخل د. نصر ود ابتهال يونس زوجته تسمع زغاريد ويدخل خلفهم عدة أشخاص).

 

فرد1 : ألف مبروك يا دكتور نصر .

 

فرد2 : وسلام مربع من قسم اللغة العربية بآداب القاهرة لابن القسم , أسخن عريس (مستدركا وممازحا) أقصد أتخن عريس

 

فرد 3 : سلام مضلع من قسم اللغة الفرنسية لبنت القسم أرفع عروسه( مستدركا ) ثقافة وعلما ..

 

فرد 4: أيوه وضح كده لاحسن الدكتور نصر يشتغل على كلامك تأويل وتفسير .

 

فرد 3 : لا يا سيدي كلامى واضح بالنص مكررا ( أرفع عروسه ثقافة وعلما ) لا اجتهاد مع نص يا دكتور نصر .

 

د. نصر : إن شاء الله هادرس كلامك تحت عنوان ( نقد الخطاب السوقي ) .

 

فرد5 : يبقي أضمن على طول هتترقي وهتا خد الأستاذية .

 

فرد 6 : إن شاء الله يا دكتور بالمناسبة أنت تقدمت للترقية ولا لسة .

 

د.نصر : أيوه يا سيدي اتقدمت .

 

فرد 3: أيوه يا عم جواز وشهر عسل في باريس وترفيه جاتنا نيلة في حظنا الهباب .

 

د.ابتهال : طبعا يا ابني هو فيه حد زيه . دا أخر جوازنا 6 أشهر عشان يكمل أبحاثه اللى هيترقي بيها

 

فرد1 : أنا من رأيي تحاسبيه الليلة حساب عسير وتخلصي القديم والجديد

 

فرد 3: جالك الموت يا تارك الصلاة .

 

فرد 2 : طيب يالا بينا يا سادة وإلا ناويين تباتوا هنا .

 

المجموعة : أيوه بايتين ومش متحركين .

 

د. نصر : والله هتشرفونا وأهوه بالمرة أجرب فيكم أخر بحث كتبته .

 

فرد : لا دا صدق ( ينسحب خارجا )

 

فرد : لا ياعم دى المدام متدخلنيش البيت ( ينسحب خارجا )

 

فرد : واحنا مش حمل دراساتك .

 

د. ابتهال : أل يعني كنت هسمحلك تقعد تتناقش ( بمزاح ) ياللا اتفضل (الجميع يسلمون عليها ويباركون لهما زفافهما وينصرفون ).

 

د. نصر : الحمد لله أخيرا يا ابتهال اتجوزنا .

 

د. ابتهال : أخيرا يا دكتور نصر ياه دا أنت عذبتني .

 

د. نصر : أنا برضه اللي عذبتك كام سنة عدت وإحنا في كلية واحدة والظروف مش عايزة تقابلنا ببعض

 

د. ابتهال : أروح فرنسا أنا . أنت في مصر , أرجع مصر ، تسافر أنت لآمريكا ، ترجع لمصر أسافر أنا لأسبانيا ، أرجع من أسبانيا ألاقيك في اليابان .

 

د. نصر : لغاية ما جمعنا مؤتمر طه  حسين يومها حسيت إن ابتهال هى دى اللى هتفهمني , ربنا يخليك يا سيادة العميد .

 

ابتهال : من ساعة ما سمعتك في اليوم الاول , وأنا عدت علي أيام المؤتمر هوا , حسيت أنى حبيتك من أول لحظة ما جاش اليوم الثالث إلا وانا ميتة في حبك .

 

د. نصر : ياه معقولة .

 

د. ابتهال : يعني أنت ماكنتش حاسس بيا ؟ .

 

د. نصر : مش حاسس بيك إزاي . دي هيه شرارة كهربائيه وصلت بينا كل إحساس أحسه في قلبي ، الاقيه مرسوم على وشك أنت ، فافرح .

 

د. ابتهال : أنا ما كنتش أعرف أنك رقيق للدرجة دى .

 

د. نصر : لا لا ميغركيش أني تخين دانا ممكن أحب لحد ما أموت على رأي الشاعر جمال بخيت : أنا ممكن أحب لحد ما أموت وابني لك بدل العش بيوت .

 

د. ابتهال : أنا سعيدة جدا ببيتنا الصغير ده وحياتنا الهادية على فكرة مدينة 6 أكتوبر كأنها مبنية لينا هدوء نقدر نكتب ونفكر ونبدع إحنا الاثنين .

 

د. نصر : بس .

 

د. ابتهال : ونحب ونعشق ونسمع فيروز والشيخ إمام وبتهوفن .

 

د. نصر : هتحبني قد ما هاحبك .

 

د. ابتهال : لا دا أنت هتعيش في دور العرسان بجد .

 

د. نصر : أصل الرحلة طويلة بجد يا ابتهال , تلميذ في الإعدادية متفوق , أبوه يموت ويسيب له أخوات ومطلوب منه رعايتهم , يضحي بحلم الثانوية العامة ويدخل دبلوم علشان يرعي أخواته وأمه , وبعد ما يأدى رسالته يدخل الجامعة حبه وأمله الكبير ويشم ريحة طه حسين ولطفي السيد وتطير أحلامه في كل مكان , يطلع الاول علي الدفعة يتعين في الجامعة يترقي لآستاذ مساعد , رحلة طويلة أنا تعبت قوى قوى يا ابتهال .

 

د. ابتهال : الله الله لا يا سيدي عيش في دور العرسان أحسن من السيرة الحزينة دي.

 

د. نصر : طبعا يا ستي ما هو أنت بنت أستاذنا كمال يونس وجدك باشا تركي , عايشة وفي بقك معلقة دهب , مكتبة في البيت , ثقافة رفيعة , عيشة أرستقراطية على الطراز الفرنسي

 

د.ابتهال : الفكر يا نصر بيخلى اللى عايش في قصر بتحرق بنار التفكير , كل ما تدرس فرنسا وشعبها وأوربا وتاريخها تحس أنك عايز تمشي في الشوارع تصرخ في الناس وتوعيهم

 

د. نصر : لا دا أنت عندك طاقة ثورية مكنتش عارفها متكنيش دخلت مظاهرات قبل كده ؟

 

د. ابتهال : ياريت كنت أقدر أهتف في المظاهرات أهو على الأقل كنت قدرت أنفس عن أفكاري  المكبوته .

 

د. نصر : لا يا سيتي دا أنت اللى عايزة تعيشي في دور هتاف في ليلة الدخلة .

 

د. ابتهال : ما هو أنت  فتحتني استحمل بقي ( يضحك ) .

 

د. نصر : حاسس إنك هتملى فراغ روحي كبير في قلبي يا ابتهال .

 

د. ابتهال : بحبك يا نصر .

 

إظلام

 

 

 

 

 

 

 

 

 

 

 

 

 

 

 

المشهد الثاني

 

أمام البنك الاهلي فرع جامعة القاهرة د . عبد الصبور شاهين يقف حوله مجموعه يسلمون عليه وبعضهم يقبل يده .

 

فرد : أستاذي العظيم أنا سعيد إنى شفت حضرتك :

 

د . عبد الصبور : أهلا يا بني .

 

فرد : البنك منور النهاردة .

 

د . عبد الصبور : دا نورك .

 

فرد : شيخ الدعاة ورب الفكر والادب .

 

عبد الصبور هو المغوار في النوب

 

د. عبد الصبور : العفو العفو .

 

فرد : يقبل يد د . عبد الصبور (أستاذي وشيخي ) .

 

د . عبد الصبور : أهلا يا شيخ يوسف .

 

الشيخ يوسف : أنا شفتك يا شيخي في المنام أمبارح

 

د. عبد الصبور : خير إن شاء الله .

 

الشيخ يوسف : شفت خير اللهم اجعله خير ملاك نازل من السما ومعاه جلابية بيضا ولبسك وبقيت أبيض في أبيض وقالك أدخل أدخل .

 

د . عبد الصبور : ربنا يوعدنا ربنا يوعدنا بالجنة تصور إنى حلمت بيك برضه .

 

الشيخ يوسف : الله أكبر دانا في بالك بقي يا مولانا .

 

د . عبد الصبور : شفت كإنى قاعد في سيرك زحمة ولاعبين السيرك بيحاولوا يمشوا على الحبل لكن بيقعوا واحدا ورا الثاني لغاية لما ظهرت إنت وحبيت تمشي على الحبل .

 

الشيخ يوسف : معقول يا مولانا أنا أشوفك داخل الجنة وإنت تشوفني في سيرك ، معقول .

 

د . عبد الصبور : استني يا بني أنا خفت عليك في الحلم قلت يارب احفظه .

 

الشيخ يوسف : هه وبعدين .

 

د . عبد الصبور : لقيتك يا ولد طالع تجري على الجبل من غير أى قلق ولا خوف .

 

الشيخ يوسف : والجمهور سقف يا مولانا .

 

د. عبد الصبور : جمهور إيه .

 

الشيخ يوسف : جمهور السيرك .

 

د . عبد الصبور : جمهور سيرك إيه دا أنت كنت ماشي على الصراط  .

 

الشيخ يوسف ( مقبلاه يده ) الله أكبر ، يارب أوعدنا اسمح لى مولانا السلام عليكم .

 

د. عبد الصبور : عليكم  السلام ورحمة الله .

 

فرد : أستاذي ( يقبل يده وينصرف )

 

يتقدم د . نصر حامد أبو زيد تجاه د. عبد الصبور يمد الدكتور عبد الصبور يده ظنا منه أن د . نصر أحد المريدين وسيقبل يده ولكن هذا لم يحدث .

 

د . نصر : أنا د . نصر حامد أبو زيد .

 

د عبد الصبور : طيب يا أخى مفيش السلام عليكم مفيش احترام للكبير خالص

 

د . نصر : إزاي يا دكتور عبد الصبور تقول كده دانا باحترم حضرتك من يوم ما قريت لك كتابك ( تاريخ    القرآن ) اللى .

 

د . عبد الصبور : أه طبعا ما أنت مش هتقرأ لى إلا الكتاب ده لا يا سيدي أنا برئ من أفكاري اللى كتبتها في الكتاب ده

 

د. نصر : معقول يا دكتور .

 

د . عبد الصبور : أيوه يا سيدي علشان العلمانيين أمثالك ماياخدونيش حجة ويطعنوا في القرأن .

 

د . نصر : دا أنت عارفني بقي يا دكتور , والله أنا ما كنت أتصور انك تعرف واحد على قده زيي أستاذ مساعد في أداب وأنت مشاغلك كثيرة .

 

د. عبد الصبور : إزاي بقي ( بسخرية ) دا أنت كتابك ( نقد الخطاب الديني ) قرفني , دا فكر دا ؟ ، دي ثقافة ؟ يا أخى اتقوا الله .

 

د . نصر : يا خبر معقول استفزك الكتاب للدرجة دى , معقوله وانت أستاذنا وسابقنا في التحليل العلمى الجرئ ؟ .

 

د . عبد الصبور , فيه فرق كبير بين التحليل العلمي الجرئ وبين اللى أنت كتبته , وعلى فكرة قلت أنا تبرأت من أفكاري القديمة اللى في بالك .

 

د . نصر : وإيه يا دكتور اللى أنا كتبته ومعجبش حضرتك 

 

د. عبد الصبور : أنت عايز تعزل ربنا عن حياتنا وعن أحداث الكون , أنت مؤمن بالنظرية الأوربية اللى بتقول إن الله خلق الكون وسابه يدور زى الساعة والتروس كده يعني كل ترس يدور أخوه وتشتغل الساعة .

 

د . نصر : أنا اللى قلت كده برضه , أنت جبت الكلام ده منين , وثانيا الكلام ده والمثال ده تحديدا أنا قريته في كتاب ( يتذكر ) للشيخ يوسف القرضاوى وأنت بتنسبه لى .

 

د . عبد الصبور : بقي الاسلام ميقدرش يعمل اقتصاد إسلامي .

 

د. نصر والله أنا معرفش إنه فيه اقتصاد إسلامى واقتصاد مسيحي واقتصاد بوذي أنا أعرف إن الاقتصاد اقتصاد والديانات ديانات .

 

د . عبد الصبور ومالها شركات توظيف الاموال , ما له الريان اللى أنت نازل بيه الارض , عملك أيه هو لما شركه إسلامية واحدة تنجح لازم تحاربوها .

 

د. نصر : أنا معرفش إن الريان شركة إسلامية , اللي اعرفه كويس انه لبس شركته عبايه إسلاميه علشان يخدع الناس وأنا فضحت ده في كتاب نقد الخطاب الديني , وقلت إن أى شركة ممكن الناس تحرص منها , لكن لما تخدع الشركة الناس بشعارات دينية وتكسب قداسة عندهم تقدر تخدعهم وتغيب عقولهم .

 

د . عبد الصبور : هو كل حاجة إسلامية تقولوا عليها بتغيب عقل الناس , ايوه ما الشيوعيين قالوا الدين أفيون الشعوب .

 

د . نصر : يا دكتور عبد الصبور إيه علاقة كلامي بكلام الشيوعيين , أنا هنا بانتقد شركة اقتصادية نصبت على الناس

 

د. عبد الصبور : لا أنت بتنقد الدين

 

د. نصر ( منفعلا ) ما هو الدين بقي هو شركة الريان  والريان بقي هو الدين , وعموما العيب مش في الشركة ولا في صاحبها , العيب في اللى روجوا للشركة في الصحف والمساجد والتلفزيون .

 

د . عبد الصبور : عيب يا ولد احترم نفسك إيه أنت ما بتحترمش اللى أكبر منك أنا أستاذك

 

د . نصر : الله وحضرتك خدت الكلام عليك ليه أنا مش فاهم

 

تخرج من البنك سيدة عجوز تلتفت وتدقق في بد الصبور شاهين :

 

السيدة : مش أنت عبد الصبور شاهين .

 

د . عبد الصبور : أيوه ( يمد يده لكي تقبلها تمسك يده وتقذفها صارخة).

 

السيدة : إلهي يخرب بيتك وبيتهم زى ما خربتوا بيتي فضلت تزن في ودان الغلابة ( الشركات الإسلامية – الربح الحلال – البركة والخير )  لغاية لما صدقناكم وحطينا تحويشة العمر وأتاريها شركات النصب الإسلامي الهي يخرب بيتك حسبي الله ونعم الوكيل(تكررها وهى منصرفة )

 

د . عبد الصبور : شايف اللى عملتوه في الناس ؟ .

 

د . نصر : إحنا ؟ .

 

د . عبد الصبور : ايوه ما هو الشيوعيين والعلمانيين أمثالك وأمثال فرج فوده فضلوا يزنوا في ودان الحكومة لغاية ما دمرت الشركة علشان تثبتوا إن مفيش اقتصاد إسلامى لكن الله غالب على أمره ولو كره المشركون .

 

د . نصر : خليتنا مشركين يا دكتور عبد الصبور لمجرد اننا خالفنا رأيك

 

د . عبد الصبور : أنا اللى خليتك ؟

 

عموما الازهر محولى كتابك ( مفهوم النص ) علشان يأخذ رأيي فيه بعد ما الشيخ ( الحسيني أبو فرحة ) كتب مذكرة بيتهمك فيها بالكفر خدت بالك بقي ( ينصرف ) .

 

د . نصر : يبقي كفرونى خلاص ( يقولها بأسي ) 

 

 

 

 

 

 

 

 

 

 

 

 

 

جدودنا مش كانوا أئمة

 

أثروا الامة

 

اتلموا طربوش على عمه

 

في حب التغيير 

 

 

واتلفوا فعلا واتبادلوا

 

الرأى وناضلوا

 

لكن مفيش لحظة اتجادلوا

 

فـ حق التعبير 

 

 

وكلهم كان جيش واعى

 

لمصر وساعي

 

ساعة ما يدعيه الداعي

 

لحرب التحرير 

 

 

تحرير من الجهل الطامس

 

مع دليل دامس

 

وكل واحد كان لامس

 

حلم التثوير 

 

 

 

 

 

المشهد الثالث

 

في شقة الدكتور نصر حامد أبو زيد مكتبان متقابلان . الدكتور نصر في الداخل ونسمع صوته بينما تجلس الدكتوره ابتهال على مكتب تكتب وترتب أوراقا .

 

د . ابتهال : زمانه دلوقت بيدور عن علاقتك يا نصر بالست اللى فضحته قدام البنك .

 

د . نصر : ( من الداخل ) والله له حق يدور ويشك كمان فيا ( يدخل حاملا فنجانى قهوة يضع أحدهما على مكتب ابتهال ويتجه لمكتبه مواجها لمكتبها ويجلس ويضحك ويتحدث ) أصل الموقف كان مشتعل جدا والحوار بيننا ساخن وفجأة جت المدام دى كأنى جايبها أنا مخصوص عشان تثبت صحة كلامى .

 

د . ابتهال : متنساش إنك كشفت عصب وضغطت عليه في كتابك .

 

د . نصر : صدقيني يا ابتهال أنا معرفش إنه كان مستشار للريان أنا كنت بناقش في كتابي فكرة العقل الغيبي اللى بيخلي الناس تنخدع , وأخذت نموذج شركات توظيف الأموال كمثال , الناس نسيت قوانين السوق وقيمة العمل وظنت ( بالبركة ) ورفع يافطة الإسلام إنها تكسب أرباح خياليه .

 

د . ابتهال : شوف يا دكتور نصر أنت جبت كذا مثال على العقل الغيبي اللى بيفسر كل الظواهر تفسير مريح , ليه يعني العمارات المخوخة لما تقع  في الزلزال يسيبوا الموضوع ده ويتكلموا في أن الزلزال اختبار لإيماننا بالله وده غضب من ربنا علينا وده قضاء وقدر , وبالتالى ما يناقشوش الغش في المباني تتصور إن مفيش ولا مهندس أتحاسب في البيوت اللى وقعت في زلزال 92 رغم إن فيه عشش وبيوت قديمة الزلزال معملش فيها حاجة .

 

( يدق جرس الباب )

 

د. نصر : يا تري مين .

 

د . ابتهال : أشوف مين ( تفتح الباب )

 

أهلا يا دكتور حسن ( من الخارج ) دا الدكتور حسن حنفي يا د. نصر اتفضل يا دكتور.

 

د . نصر : ( ذاهبا لاستقباله ) يا أهلا , معقوله أستاذي بشحمه ولحمه .

 

د . حسن حنفي : شحم ولحم أيه يا راجل ( ضاحكا وممازحا لهما ) دا الشحم واللحم واللا بلاش .. أنت بتاكل أكل ابتهال ولا إيه ( يضحكون )

 

د . نصر : والله أنا في غاية السعادة , معقولة حضرتك تزورني وتضرب المشوار ده كله

 

د. حسن : أعمل إيه يا سيدي مجتش في الفرح وتأخرت عليكم قلت أجي أقول لكم مبروك . عاملين إيه ؟

 

د . نصر : بخير والحمد لله .. على فكرة أنا نزلت الجامعة وعديت على الكلية وسألت عنك بس ملقتكش 

 

د . حسن : طب كويس إنى جيت لك قبل ما تقابلني في الكلية وتقول على إنى قصرت معاك .

 

د . ابتهال : ( ضاحكا ) ما تقوله يا نصر عن الست بتاعة البنك ود . عبد الصبور واللى حصل .

 

د . حسن : د . عبد الصبور شاهين .. فيه إيه تانى .. طمونونى .

 

د . نصر : هو كان فيه أولانى ده أول مرة أتكلم معاه وكان لقاء ( يضحك ) مش ولابد .

 

د . حسن : أه فيه تانى وتالت ورابع

 

د . نصر : أوعى يكون راح اشتكانى في الجامعة , والله الست دى أنا معرفهاش .

 

د . حسن : ست إيه وتعرفها إيه , أنا جاى أتكلم معاك في موضوع مهم جدا .. ( ملتفتا الى د . ابتهال ) احضرينا يا ابتهال الموضوع لازم يتاخد بهدوء وحكمة .

 

د . ابتهال : خضتنا فيه إيه .

 

د . نصر : فيه إيه يا دكتور حسن قلقتني .

 

د . حسن شوف يا نصر , المسألة باختصار : عبد الصبور شاهين ضمن اللجنة اللى هترقيك من أستاذ مساعد لأستاذ .

 

د . نصر : الله أكبر .

 

د . ابتهال : مش معقول .

 

د . حسن : طبعا فيه ثلاث تقارير مكتوبة اتنين معاك وواحد ضدك طبعا .

 

د . نصر : طبعا طبعا وإيه المشكلة تقريرين معاية وواحد ضدى .

 

د . ابتهال : وما تنساش يا دكتور إن القسم في الكلية كتب تقرير ورقاه وإن مجلس الكلية كتب تقرير ورقاه وأدى مجلس الجامعة نفسه اتنين معاه وواحد ضده يعني مفيش مشكلة .

 

د . حسن : لا يا دكتورة ابتهال أصل الموضوع مش بالشكل البرئ اللى أنت شايفاه الأمور فيها حسابات وتوجهات وتوازنات , أمال ايه هو إحنا في باريس ولا إيه .

 

د . نصر : يا دكتور حسن أنا مفهمش في التوازنات والحسابات , أنا أفهم في البحث العلمي وأؤمن بالديمقراطية , من غير حق عبد الصبور شاهين أنه يختلف معاى طالما أن الغالبية معاى .

 

د . ابتهال : وثانيا يا دكتور حسن د . عبد الصبور شاهين مختلف مع نصر لآسباب شخصية دول اتخانقوا قدام البنك .

 

د . حسن : اتخانقوا إمتى …؟ إزاى ؟ إيه يا نصر الحكاية ؟

 

د . نصر : أبدأ قابلتوا صدفة عند البنك حصلت مناقشة بينا لقيته هاجمني على كتابي(نقد الخطاب الديني ) اللى باهاجم فيه استغلال الدين في شركات توظيف الاموال ما إنت قريته يا دكتور حسن .

 

د . حسن : أه أنا قريته .. مفيش مشكلة لكن اللى على راسه بطحة بيحسس عليها وأنت رغم إنك ما ذكرتش اسمه إلا إنك كنت بتفضحه .

 

د . ابتهال : خلاص تبقي فيه خصومة شخصية بين د . نصر ود . عبد الصبور وبالتالى .

 

د . حسن : (مقاطعا ) عين العقل يا ابتهال وأنا تحديدا جاى وفي دماغى تلات حلول .

 

د . نصر : أولهم .

 

د . حسن : أنت تكتب شكوى وتقدمها لرئيس الجامعة توضح فيها إن كتابك بيمس أحد أعضاء اللجنة وبالتالى هذا العضو لا يصلح للحكم عليكم .

 

د . نصر : وتتحول الجامعة لقسم شرطة ويتحول البحث العلمي الى أسئلة هبلة من عينة: أنت ألفت الكتاب ده .. مين شركاؤك في جريمة التأليف وهكذا , لا يا دكتور حسن .

 

د . حسن : خلاص يبقي الحل التاني .

 

د . ابتهال : وإيه هو يا دكتور حسن

 

د . حسن : اسمعني يا دكتور نصر بهدوء , فيه اقتراح من رئيس الجامعة وهوه بيديك وعد أكيد مضمون إنك ماتترقاش الاجتماع ده وتترقي في الاجتماع اللى جاى .

 

د . نصر : يا سلام وإيه اللي مخلي رئيس الجامعة يعمل المساومات دي . هو ناسي إنه قاعد على كرسي طه حسين يعني الانتصار للفكر المستنير .

 

د . حسن : يا سيدي بقولك حسابات وتوازنات وسياسية عليا , عبد الصبور ودكاتره دار العلوم هيحرضوا الطلاب وتلقي مظاهرات وشعارات من عينة : عودى يا جامعة إسلامية .. إسلامية 100في المية والشعارات اللى أنت عارفها .

 

د . ابتهال : يا سلام هو الاختلاف في البحث العلمي يتحول للشكل المنحط ده في الصراع

 

د . نصر : فعلا توازنات سياسية : عبد الحليم موسي وزير الداخلية بيتفاوض مع عبد الصبور شاهين وفهمي هويدي وعمر عبد الكافي باعتبارهم واسطة بينه وبين جماعات الإرهاب وأنت دلوقت جاى واسطة بيني وبين رئاسة الجامعة شايف يا دكتور حسن أمور بلدنا بتمشي إزاى .

 

د . ابتهال : وإذا رفض د . نصر الاقتراح ده وأصر على أحقيته في الترقية .

 

د . حسن : يبقي مفيش غير الحل التالت وهو تصعيد الموضوع وتخليه قضية رأى عام وتكتب عنه كل الصحف ويتفضح الموضوع ولكن أنت عارف عواقب ده طبعا .

 

د . ابتهال : ايه يعني هيحصل إيه أكثر من اللي حاصل .

 

د . حسن : لا هيحصل أكتر , مكن أقل حاجة يتفصل د . نصر من الجامعة انتهاء بتفكيره على منابر المساجد وفي جامع عمرو بن العاص اللي بيخطب فيه عبد الصبور.

 

د . ابتهال : وإذا كان وزير الداخلية مخلي عبد الصبور واسطة ليه مع جماعات الارهاب دا معناه انهم هيضحوا بالدكتور نصر ببساطة علشان صفقة الوساطة دى . تتم .

 

د . نصر : ويبقي مفيش غير النهاية المعروفة شاب طايش منهم يقتلنى زى فرج فوده .

 

د . حسن : طب يا د . نصر ليه نعقدها ما الحل في ايدينا متترقاش المرة دي وأنا أديلك وعد شرف أنك هتترقي المرة الجاية .

 

د. نصر : شرف مين ؟ شرف رئيس الجامعة ؟ ولا شرف مشايخ دار العلوم ؟ ولا شرف اللجنة ؟ ولا شرفك أنت ؟ .

 

د . حسن : لا مش بشرفي طبعا أنا مجرد .

 

د. نصر : يا أستاذي خلاص موضوع الترقية الوظيفية ميهمنيش , أنا أستاذ غصب عنهم من يوم ما قسم اللغة العربية أداني الأستاذية وكلية الآداب أدتني الأستاذية , قرار الجامعة إداري يعني ها يزيد مرتبي كام جنيه متجبش وجبه غدا لينا .

 

د. حسن : عموما يا نصر أنت ابني وتلميذي وأى قرار هتاخده ثق إنى معاك فيه .

 

د . نصر :ربنا معانا كلنا يا د . حسن وأنت أستاذي ووالدى وأنا متأكد من مشاعرك ومساعيك كلها عارف أنا لصالحى , لكن أنت متقبلش لأبنك أنه يخضع للباطل وعموما الكلام خدنا أنا هاقوم أعملك قهوتك المخصوصة .

 

د. حسن : لا ولا والله مفيش داعى أنا ورايا موعد في الكلية , سلام .

 

د . نصر : ألف سلامة يا دكتور ..

 

إظلام

 

 

 

 

 

 

ومصرنا رفاعة وطه

 

مين وطاها

 

والثورة رجعت في خطاها

 

بعد التنوير

 

الحلم كان بالحرية

 

لأمة فتية

 

بتفك أسر العبودية

 

وظلام النير 

 

 

والعلم لما في يوم أزهر

 

كان م الأزهر

 

والعقل كان أعلى وأظهر

 

من غير تكفير 

 

 

وكنا في عز النهضة

 

مااحناش مرضى

 

وكان شعاع النور امضي

 

وحب التفكير 

 

 

لا شفنا مدفع ورصاصة

 

بإيد قناصة

 

بالدم ايدهم متعاصة

 

مرشد وأمير

 

المشهد الرابع

 

اجتماع اللجنة الدائمة للترقي بجامعة القاهرة يجلس د . مأمون سلامة رئيس الجامعة وأمامهم لافتة على رأس طاولة الاجتماعات أعلى منتصف المسرح , بينما الأعضاء أمامهم صفان يجلس في صف منهم د . عبد الصبور شاهين د. أحمد هيكل د . رمضان عبد التواب وثلاثة آخرون بينما يجلس في الصف المقابل د . محمود مكي د . عونى عبد الرؤوف وأربعة أخرون  .

 

د . مأمون سلامة : انا بشكر ليكم صبركم على مناقشتنا الطويلة لجداول الأعمال وننتقل الان لبند ما يستجد من أعمال .

 

فرد : يا دكتور مأمون كفاية كده إحنا بقي لنا خمس ساعات ف مناقشات والحمد لله ناقشنا وخلصنا .

 

فرد : يا دكتور قضية استيلاء الحكومة السودانية على منشآت الجامعة في السودان اللى ناقشناه ده موضوع كبير واستهلكنا وكفاية كده النهارده وأنت شايف معظم المجلس مشي

 

د . مأمون : يا إخوانا الموضوع اللى باقي مش محتاج إنكم تحضروا كلكم احنا هناقش موضوع ترقية أحد الأساتذة تحديدا تابع لقسم اللغة العربية بكلية الآداب .

 

فرد : طيب اسمح لنا ننصرف احنا .

 

د . مأمون : عموما اللى عايز ينصرف براحته , وهناقش الموضوع باللى هيبقي من الأساتذة .

 

يا اخوانا لازم تقدروا إن إحنا تعبنا في مناقشة موضوع فرع الخرطوم فنرجو إن موضوع ترقية د . نصر حامد أبو زيد ما يخدش مننا وقت كتير .

 

د . محمود مكي : أنا شايف يا دكتور إن الأفضل تأجيل مناقشة الموضوع ده لجلسة استثنائية لآنه موضوع شائك وحضرتك على علم بتفاصيله .

 

د . مأمون : يا دكتور مكى اسمح لى أنا مش عايز تفاصيل أنا هدفي من الكلام نخلص من الموضوع بسرعة يعني نسمع تقارير د . عبد الصبور شاهين وتقرير حضرتك وتقرير د . عونى عبد الرءوف أتفضل يا دكتور عبد الصبور .

 

د . عبد الصبور : بسم الله الرحمن الرحيم الحقيقية أننى أمام أستاذ مساعد ينشر أفكار أشبه بالكفر والإلحاد .

 

الجميع : يا ساتر يا رب .

 

د . عبد الصبور : إنني لا أعرف كيف وصل إلى هذا المقعد كيف أصبح أستاذا مساعدا من المسئول عن هذا     ( بغضب وصياح ) .

 

عضو : المسئول عن ده حضرتك يا دكتور .

 

د . عبد الصبور : إزاى مش معقول أنا ( يحس بالحرج )

 

عضو : أنت ناسي يا دكتور إنك كنت في اللجنة اللي رقته لأستاذ مساعد وقلتوا عن كتبه كلام جميل .

 

د . عبد الصبور : عموما أنا بعترف إنى اتخدعت فيه زى ما مجلس القسم ومجلس الكلية مخدوع فيه برضه .

 

عضو : ما علينا يا دكتور يا ريت ندخل في الموضوع علشان بقية التقارير .

 

د . عبد الصبور : خلاصة تقريري إن هذا الباحث لا يستحق الترقية لآنه يصف الإمام الشافعي إنه ملفق في موقفه وإنه انتصر للنقل على حساب العقل وقضي على تعددية الفكر ليصبح فكرا واحدا .

 

د . أحمد هيكل : ( يهز رأسه رافضا ويصدر صوتا من فمه يعني الاستنكار ويصدر تمتمات توحي بالرفض والاستنكار وتصبح رأسه بندولا وافضا نلاحظ أنه كلما قرأ د . عبد الصبور شاهين بعض الفقرات  انضم أحد الأعضاء محاكيا حركة هز الرأس بالرفض وإصدار صوت لستني يوحي بالاستنكار مما يدخل الشك في معظم أعضاء اللجنة الا القليل ) .

 

د . عبد الصبور : وفي كتابه نقد الخطاب الديني يهجم علي الغيب ويقول إن العلمانية هي الفهم الصحيح للدين .

 

( تسمع أصوات استنكار ) إنه  ينتقد الازهر ودور الدولة والحكومة في مواجهة التطرف ويدافع عن سلمان رشدي الكافر ( تزداد أصوات اللسان من بعض أعضاء اللجنة ) إنه يرفض أن نرد كل الامور الدنيوية الى الله لآننا بذلك نهمش دور الإنسان.

 

إنه يطالب بعلمانية جديدة لمواجهة الافكار الدينية الارهابية من وجهة نظرة , ويطالب بتحرير سلطة الدولة من سلطة رجال الدين . وخلاصة القول إن الكتاب عبارة عن جدلية تضرب في جدلية لتخرج بجدلية تلد جدلية تحمل في أحشائها جنينا جدليا متجادلا بذاته مع ذاته جدلا جدليا مجدولا .

 

عضو : صلي على النبي – صلي على النبي .

 

عضو :(يؤذن في أذن د . عبد الصبور شاهين ويمسكه)

 

عضو لا إله إلا الله محمد رسول الله .

 

د . عبد الصبور : ( وقد هدأ ) ولذلك أري حرمانه من الترقية . 

 

أ . د . محمود مكي : أنا أري في تقريري الذي أعددته عكس ما قاله د . د عبد الصبور بس مش عارف مين هيهز رأسه بالموافقة منكم أثناء قراءتى لتقريري .

 

أولا إن الدكتور نصر يحدد منذ البداية إن الدين يجب ان يكون عنصرا أساسيا في أى مشروع للنهضة ( يهز أحد الأعضاء رأسه بالموافقة وكلما قرأ كلاما من تقريره يزداد عدد الموافقين بهز الرأس بينما نلاحظ أن المجموعة الرافضة تهز رأسها بالرفض واحدا تلو الأخر فتصبح المجموعتان كلما هز واحدا رأسه موافقا هز المقابل له رأسه رافضا حتى يصبح عدد الرافضين 6 وعدد الموافقين 6 وينظر رئيس الجامعة للغريقين مترددا ثم يهز رأسه مع الرافضين في نهاية المشهد ) .

 

د . محمود مكي : ولكي الباحث يري أن الخلاف هل الدين هو الذي يطرحه المشايخ أصحاب المصالح بشكل نفعي أم هو الدين بعد تحليله وفهمه فهماً علميا بعيدا عما علق به من خرافات . والباحث يفرق بين الدين والفكر الديني فالدين ثابت ، أما الفكر الديني فهو مختلف من إنسان لآنسان ومن عصر لعصر , وعندما ننقد الفكر الديني عند أحد المفكرين فإننا لا ننتقد الدين , بل ننتقد اجتهادات ذلك المفكر , وخلاصة القول فإن كتاب الدكتور نصر يدل على فكر تقدمى مستنيرا يقرأ التراث الإسلامي قراءة واعية رابطا الماضي بالحاضر من أجل تحرر الفكر وتقدم الامة ومواكبة الرقي الحضاري      ( يهز رئيس الجامعة رأسه مرتين بالموافقة ومرتين بالرفض ويحتار على أى الرأيين يقف ولكنه في النهاية يهز رأسه مع فريق الرافضين ) 

 

( إظلام )

 

 

 

 

 

 

 

 

 

 

 

 

 

انتبهوا يا ناس للفتنة

 

ظاهرة وباطنه

 

حرية الفكر منا طنا

 

وحرب التنوير 

 

 

 

 

 

 

 

 

 

 

 

 

 

 

 

 

 

 

 

المشهد الخامس

 

حشد من الناس ولكنهم منقسمون الى فريقين / فريق متعاطف مع الدكتور نصر والفريق الثاني متعاطف  مع الدكتور الصبور شاهين . 

 

الفريق الأول : لم يكتب الدكتور عبد الصبور تقريرا عاميا ركيكا فقط بل ألقي خطبة أشد ركاكة في جامع عمرو بن العاص كشف فيها عن ابتذال وفجاجة واضحة .

 

فريدة النقاش الاهالى 14/4/93

 

الفريق الثاني : أنا أسلوبي ركيك ؟ أركيك أيه يا أخة . لا يوجد أحد يتكلم العربية الفصحي في العالم كله كما أنطقها ياسكلانس

 

عبد الصبور شاهين الاهالى عدد يونيو 95 ص4

 

الفريق الأول : ليس من حق أحد أن يحكم على الأخر بأنه ملحد .

 

ويستعمل سلاح التكفير لمن اختلفوا معه , الله لنا جميعا وليس من حق أحد أن يحتكره لنفسه ويقسم البشر لمؤمنين وكفره .

 

مصطفي أمين الاخبار 12/4/93

 

الفريق الثاني : أنه يقول اتركوا النصوص وحرروا العقول أى نص يريدون إلا نص القرآن الكريم .. كفرت ورب الكعبة وكفر كل من يساندك يا ويلكم منا .

 

ثروت أباظة الأهرام 19/4/93

 

الفريق الأول : إذا كان هؤلاء المكفر تارية يريدون فرض وصايتهم على المجتمع بالحديد والنار فإن سكوتنا على محاولاتهم يمنحهم المزيد من القوة .

 

جابر عصفور الاهالى عدد خاص يونيو 93 .

 

الفريق الثاني : للأسف هدم القرآن واتهم الصحابة ثم أراد أن يأخذ بعد ذلك نيشان .. نكتة والله وزمان عجيب .

 

مصطفي محمود الأهرام 10/4/93

 

الفريق الأول : إن الجامعة التى كانت قلعة للفكر تقع الان تحت ضغوط . إن التقرير المكتوب بعيد عن البحث العلمي .

 

غالى شكري الأهرام 21/3/93 .

 

الفريق الثاني : إنه يقول إن سيدنا عثمان تعصب للقرآن المكتوب بلهجة قريش وأخفي القرآن المكتوب بلهجات القبائل الاخري كيف يتجرأ كويفر مغرور على هذا ؟

 

محمد الغزالى جريدة الشعب  4/5/93

 

الفريق الأول : إن الذين يتهمون د . نصر لم يقرأوا كتبه . إنه يحترم الكتب المقدسة وهى القرآن والسنة . أما الاجتهادات الائمة السابقين فهي تقبل المراجعة .

 

جمال الغيطانى , الأخبار     14 /4/93

 

الفريق الثاني : أبو زيد يقول إنه لا قداسة إلا لله رب العالمين وللقرأن وما صح عن رسوله الأمين وهذا نفاق نفاق .

 

جلال كشك , مجلة أكتوبر 25/7/93

 

الفريق الأول أغلب ظنى أن د . عبد الصبور صب غضبه عليه لآن د . نصر كشف الخطاب الديني الذي خدع الناس السذج في شركات توظيف الأموال ولذلك ألهب عصب د . عبد الصبور لآنه كان أحد دعامات هذه الشركة .

 

لطفي الخولى , الأهرام 7/4/93

 

الفريق الثاني : إن العبث بالنصوص الشرعية المتمثلة في الكتاب والسنة ينبغي ان يظل بعيدا عن الذين ينادون بحرية التعبير والبحث العلمي

 

فهمي هويدي , الأهرام 20/4/93

 

الفريق الأول : تقرير عبد الصبور شاهين يتجاهل القيمة العلمية ويلجأ الى سلاح التكفير وليس من الإسلام أن يكفر أحد أحدا .

 

أحمد عبد المعطي حجازى , الأهرام 7/4/93

 

الفريق الثاني : لقد وصل أبو زيد الى حد الكفر لأنه أنكر معلوما من الدين بالضرورة وسب الرسول والصحابة وأئمة المسلمين إنه يستحق العقاب الرادع مثل سلفة فرج فوده

 

أحمد أبو زيد الحقيقة 8/5/17/4/93

 

الفريق الأول : هل الاشتغال بعضوية لجنة الفتوى في أكبر شركة للنصب وهى الريان يكسب الحق في اتهام الناس في عقائدهم .

 

شيخ التربويين / حامد عمار الاهالى 21/4/93

 

الفريق الثاني يجب أن نرفع دعوى قضائية لإيقافه عن التدريس ونناشد أبناءنا عدم تلقي العلم على يديه .

 

د. إسماعيل سالم , كتاب نقد مطاعن أبو زيد

 

الفريق الأول ( صوت جماعى ) أعمال الدكتور أبو زيد مراجع هامة تثبت له أستاذيته

 

قسم الفلسفة بآداب سوهاج .

 

الفريق الثاني : د . محمد بلتاجى دار العلوم

 

الفريق الثاني : جمال بدوى الوفد

 

الفريق الأول : حازم هاشم الوفد

 

الفريق الثاني : فتحي حموده الأخبار

 

الفريق الأول عبلة الرويني الأخبار

 

الفريق الثاني : د . مصطفي الشكعة

 

الفريق الأول : د . جلال أمين

 

الفريق الثانى : د. بدر الدين غازى

 

الفريق الأول د . سمير حنا

 

الفريق الثاني : سناء فتح الله الأخبار

 

الفريق الأول : ملك عبد العزيز الاهالى

 

الفريق الثاني : الشيخ يوسف البدري .

 

الفريق الأول : الشيخ خليل عبد الكريم

 

الفريق الثاني : محمود النابي الشعب

 

الفريق الأول : عاصم الفولى  الشعب

 

الفريق الثاني : صلاح الغزالى حرب الأهرام 

 

الفريق الأول : د . أحمد مرسي حريتي

 

الفريق الأول : د . فتحي عبد الفتاح الجمهورية

 

الفريق الثاني : مجدى سالم عقيدتى

 

الفريق الأول : عزة شلبي المساء

 

الفريق الثاني : رضا عكاشة اللواء الإسلامي . 

 

الفريق الأول : د. يحي الرخاوي الأهرام

 

الفريق الثاني د . محمد مزروعه

 

الفريق الأول : المخرج رأفت الميهي الأهرام

 

الفريق الثاني : د . عبد الوهاب حواس

 

الفريق الأول : د . سليمان العطار الأهرام

 

الفريق الثاني : محمد عامر الحقيقة

 

الفريق الأول : د . فيصل دراج الآداب البيروتية

 

الفريق الثاني بكر بصقر المسلمون اللندنية

 

الفريق الأول : محمود الوردانى الحياة اللندنية

 

الفريق الثاني : عادل حجازى العروبة

 

الفريق الأول : إبراهيم عيسي روزاليوسف

 

الفريق الثاني : أحمد حسين الطماوى الأخبار 

 

الفريق الأول : حلمي النمنم المصور

 

الفريق الثاني : حسن دوح الأهرام

 

الفريق الأول : د . حلمي بدير الأهرام

 

الفريق الثاني : شحاته مغاورى الأهرام  

 

الفريق الأول : د . على مبروك الأهرام

 

الفريق الثاني : محمود حماية الأهرام

 

الفريق الاول : د . على عبد الفتاح مصطفي الأهرام

 

الفريق الثاني :د . محمد صلاح محمد .

 

الفريق الاول : د . صلاح حجازى الأهرام

 

الفريق الثاني : د . محمد فايد هيكل عقيدتي

 

الفريق الأول : عبد الطيف وهبة الاهالى

 

الفريق الثاني د . إسماعيل عبد المتعال

 

الفريق الأول : جمال سليم الاهالى

 

الفريق الثاني : أحمد محمود صبحي الأهرام

 

الفريق الأول : د . حسين نصار الاهالى

 

الفريق الثاني : د . د عمر عبد الله كامل السعودية

 

الفريق الأول : جمال ربيع الهدف اللبنانى

 

الفريق الثاني : نادى أعضاء هيئة تدريس جامعة القاهرة

 

الفريق الأول : مجلس كلية الآداب بجامعة القاهرة .

 

الفريق الثاني : جمعية الخلفاء الراشدين .

 

الفريق الأول : المنظمات المصرية لحقوق الإنسان

 

الفريق الثاني : جمعية دعوة الحق

 

الفريق الأول : بيان من المثقفين العرب

 

الفريق الثانى : ( هتاف ) احنا الوحى والتنزيل وهما الفكر والتنوير .

 

الفريق الأول : ( هتاف ) احنا الفكر والتنوير وهما المطواة والجنزير

 

الفريق الثاني  : ( هتاف ) عودى يا جامعة إسلامية – إسلامية ميه الميه

 

الفريق الأول : ( هتاف ) إحنا في جامعة طه حسين / مش في جامعة عبده شاهين .

 

( يختلط الهتاف )

 

يدخل شخص صائحا فرحا ..

 

شخص :  خلاص ….. خلاص

 

اللجنة الجديدة للترقيات في الجامعة قررت ترقية د . نصر لدرجة الأستاذية .

 

( هتاف ) يحيا العدل , (زغاريد في الجانب الأول بينما الاندهاش والغضب في الجانب الثاني , ينصرف الفريق الثاني في تشكيل كمن يقدم العزاء في طابور طويل وينصرفون الواحد تلو الأخر , وينصرف الفريق الأول وملؤه البهجة والزغاريد لا يتبقي سوى أخر فرد في الفريق الثاني يلبس عباءة المحامين بينما تنطلق زغرودة في الكواليس تضايقه الزغرودة فيصرخ ) .

 

المحامى : بتزغردى يا ابتهال بتزغردي .. طيب طيب والله وبكسر الهاء لتكونى طالق بالثلاثة منه وأنا وراكم بالمحاكم والزمن طويل .

 

إظلام

 

 

 

 

 

 

من غير تطاول ومزايدة

 

أو نار قايدة

 

أو حقد أعمى مالوش فايدة

 

وضد الجماهير 

 

 

الاجتهاد كان ديدنا

 

حق وطنا

 

حرية البحث سننا

 

وهدى التنوير

 

 

أما الحوار ليه تقاليده

 

الكل يريده

 

ولكل بلبل تغريده

 

من غير تشهير 

 

 

 

 

 

 

 

 

 

 

المشهد السادس

 

نفس المنظر السابق

 

, المحامى يحيط به عشرات من الصحفيين والميكروفونات في أقصي يمين المسرح يدلى بتصريحاته .

 

المحامى : لقد علمت كل الأمة من خلال ما كتبه كبار علماء الأمة أن هذا الرجل قد ارتد عن الإسلام وبما إنه متزوج من امرأة مسلمة فإن مذهب الإمام أبي حنيفة يعد الردة سببا للتفريق بين الزوجين فورا وبدون حكم القاضي كمان سواء كانت الزوجة مسلمة أو غير مسلمة

 

صحفي : لكن الدستور بيكفل حرية العقيدة .

 

المحامى : هذه مقولة حق يراد بها باطل لآن الدستور جعل الشريعة الإسلامية هى المصدر الرئيسي في التشريع والشريعة بتقول إنه مرتد عن الإسلام فلا تعارض بين الدستور وهذه الحالة .

 

صحفية : بس اللي احنا نعرفه إنه رافع الدعوى لازم يكون صاحب مصلحة ذو صفة .

 

المحامى : لالا الأمر هنا مختلف لآن المسألة تخص حق ربنا وأى مسلم له مصلحة في الدفاع عن حقوق الله يمكن يرفع على طول قضية للدفاع عن حقوق الله .

 

صحفي : هل تعرف د . نصر أبو زيد .

 

المحامى : بصراحة ولا سمعت عنه قبل كده , لكن لما لقيت لطفي الخولى وأحمد عبد المعطي حجازى وغالى شكرى بيكتبوا عنه وبيدافعوا قلت أكيد الراجل ده شيوعي وبسرعة كده قريت على الماشي كتبه ولقيته فعلا مرتد .

 

صحفي : لكن مفكرين إسلاميين كتير بيقولوا إن حد الردة ده عملوه الفقهاء ومش في الإسلام . 

 

المحامى : مين بقي اللى قال كده من المفكرين الإسلاميين .

 

الصحفي : المفكر محمد سليم العوا بيقول إنه لا يوجد في القرأن أية واحدة تدل علي عقوبة دنيوية والردة عقوبتها في الاخرة والشيخ شلتوت شيخ الازهر الاسبق قال إن الكفر نفسه غير مبيح للدم وإن حد الردة لا يثبت بحديث الاحاد والمفكر جمال البنا شقيق حسن البنا بيقول إن حد الردة صنعه الفقهاء ولا توجد أية واحدة فيها الردة وبيذكر أمثلة عن حالات ردة في عهد الخليفة عمر بن الخطاب وعمر بن عبد العزيز ولم ينفذ فيهم حد الردة والشيخ عبد العزيز جاويش خليفة مصطفي كامل قال إن حد الردة لا سند له في الكتاب والسنة .

 

المحامى : دا أنتم مذاكرين كويس ربنا يهديكم  أسمكم إيه

 

الصحفي : ابراهيم عيسي .

 

الصحفي , وأنا حلمى النمنم

 

المحامى : ما علينا .. ماهو أنت من روزاليوسف وأنت من الدستور ومعروف اتجاهكم وعموما أنا مابحبش المنظرة ولا كلام الجرايد .

 

( إظلام )

 

 

 

 

 

 

 

 

 

 

 

 

 

 

 

 

 

 

 

 

 

دى حكمة البارى

 

لو كان رايد

 

لخلا كل الناس واحد

 

من غير تخيير

 

 

 

وربنا قال لنا في الدين

 

عن  يوم الدين

 

هو الحكم بين مختلفين

 

في ضمير وضمير  

 

 

لاسبابها لفقيه أو والى

 

ولا لغزالى

 

ولا لهوس عاطل خالى

 

كبير ولا صغير 

 

 

 

 

 

 

 

 

 

 

المشهد السابع

 

في أعلى وسط المسرح منصة محكمة وعلى يسار مقدمة المسرح منصة المؤتمر خلفها لافتة تقول ” مؤتمرات المثقفين المصريين ” بينما يظل المحامى في يمين مقدمة المسرح يدلي ما زال بأحاديثه الصحفية , ويستخدم هنا تكنيك التقطيع في الاضاءة والكلام …. الاضاءة على المحامى وإظلام على المحكمة والمؤتمر , ويتم تقطيع إضائي بين الثلاثة المحامى على يمين المسرح ومؤتمر المثقفين عن يساره والمحكمة في عمق المسرح .

 

نلاحظ أن القاضي كأنه يردد كلام المحامى بالنص ويحدث تجاوب صوتى بينهما .

 

المحامى : بناء على طلبي أنا محمد صميده وعبد الفتاح عبد السلام وخمسة محامين اخرين ومحلهم المختار مكتب المحامى محمد صميده برقم 23 شارع جامعة الدول العربية .

 

منصة مؤتمر المثقفين عليها ثلاثة متحدثين وهناك لافتة أمام كل واحد تعرف به مثلما يحدث على منصة المؤتمرات والندوات ( عبد الغفار عودة – المخرج صلاح أبو سيف – الكاتب لينين الرملي )

 

عبد الغفار عودة : إننى أسألهم هل شققتم عن قلبه لتحكموا عليه بالكفر .

 

صلاح أبو سيف : إن تدخل رجال الدين بهذا الشكل أمر يرهب المحكمة .

 

لينين الرملي : إنهم يشغلون المجتمع بقضايا تافهة لشغله عن قضاياه .

 

تسقط الإضاءة على المحامى

 

المحامى : ضد السيد الدكتور نصر حامد أبو زيد والسيدة ابتهال أحمد يونس المقيمين بمدينة 6 أكتوبر المجاورة الرابعة عمارة 10 شقة 1 .

 

الإضاءة على القاضي

 

القاضي : ضد السيد الدكتور نصر حامد أبو زيد والسيدة ابتهال أحمد يونس المعلنين بمحل إقامتها بمدينة 6 أكتوبر المجاورة الرابعة عمارة 10 شقة 1 .

 

الإضاءة على منصة المثقفين ويجلس عليها سلامة أحمد سلامة ( الأهرام ) ابراهيم سعده ( الأخبار) محمد عبد القدوس ( الشعب ) .

 

سلامة أحمد سلامة : إنها عملية تسئ الى الإسلام وتحرج القضاء وتضعه في موقف سئ .

 

ابراهيم سعده : هذه القضية تعتبر مهزلة بكل المقاييس ويجب على نقابة المحامين أن تحاسب هذا المحامى .

 

محمد عبد القدوس : أنا ضد هذه القضية لآنها غريبة ولم تحدث في مجتمعنا من قبل

 

الإضاءة على المحامى

 

المحامى : المعلن إليه الأول ولد في 10 /7 /1943 في أسرة مسلمة وتخرج في قسم اللغة العربية بآداب القاهرة ويشغل ألان أستاذ مساعد الدراسات الإسلامية والبلاغة وهو متزوج من السيدة المعلنة الثانية .

 

الإضاءة على القاضي

 

القاضي : المستأنف ضده الأول ولد في 10 /7/43 في أسرة مسلمة وتخرج في قسم اللغة العربية بآداب القاهرة ويشغل الان أستاذ مساعد الدراسات الإسلامية والبلاغة وهو متزوج من المستأنف ضدها الثانية . 

 

الإضاءة على منصة المثقفين وتجلس عليها الفنانة محسنة توفيق , الكاتبة حسن شاه ود . ر ضوى عاشور .

 

محسنة توفيق : هذه مهزلة لا يمكن تصديقها ولا يقبلها عقل أو ضمير .

 

حسن شاه : ليس من حق أحد أن يطالب زوجه بترك زوجها حتى لو أخطأ في تفكيره.

 

د . رضوى عاشور : لقد انتشر إرهاب التكفير مع إرهاب السلطة واستخدام ألائمة الإسلام رأسمالا في مضاربات الثروة والسلطة .

 

الإضاءة على المحامى

 

المحامى : وقد قام بنشر عدة كتب وأبحاث ومقالات تضمنت طبقا لما رأه علماء عدول كفرا يخرجه عن الإسلام ويعتبر مرتدا ويتحتم أن تطبق في شانه أحكام الردة .

 

الإضاءة على القاضي

 

القاضي : وقد قام بنشر عدة كتب وأبحاث ومقالات تضمنت طبقا لما رأه علماء عدول كفرا يخرجه عن الإسلام ويعتبر مرتدا ويتحتم في شأنه تطبيق أحكام الردة

 

الإضاءة على مؤتمر المثقفين ويجلس عليها محمود أمين العالم د . على الراعي , د . الطاهر مكى وكيل دار العلوم سابقا .

 

محمود أمين العالم : إن هذه الدعوى ضد الدين الإسلامي نفسه وضد الاجتهاد وضد العقل والحب والتقدم والحرية .

 

د . على الراعي : إن التهديد بإقامة حد الردة تهديد لكل من يعمل العقل في سبيل التنوير .

 

الطاهر مكى : هذه الواقعة تريد إعادة مصر الى التخلف وهى سمات الشعوب المتخلفة.

 

الإضاءة على المحامي

 

المحامى : ولما كانت من أثار الردة التفريق بين الزوج المرتد وزوجته سواء كان الزوجة مسلمة أو غير مسلمة وهذه الدعوى من دعاوى الحسبة .

 

الإضاءة على القاضي

 

القاضي : إن من أثار الردة التفريق بين الزوج المرتد وزوجته وطلب التفريق هنا من دعاوى الحسبة .

 

الإضاءة على مؤتمر المثقفين ويجلس عليه الشيخ خليل عبد الكريم الشيخ سيد داود خالد المفكر الإسلامي جمال البنا .

 

الشيخ خليل عبد الكريم : لا يوجد نص في أى قانون مصري يخول للمحكمة أن تقول هذا مسلم وهذا غير مسلم .

 

الشيخ سيد داوود خالد : لا يوجد قانون سماوى أو أرضي يبيح للأفراد اتهام فرد بالردة .

 

المفكر الإسلامي جمال البنا : حد الردة صنعه الفقهاء ولا يوجد به نص في القرأن الكريم .

 

الإضاءة على المحامى

 

المحامى : لذلك سأطلب من المحكمة الحكم بالتفريق بينهما وإلزام المعلن إليه بالمصروفات وشمول الحكم بالنفاذ المعجل .

 

الإضاءة على القاضي

 

القاضي : حكمت المحكمة بالتفريق بين المستأنف ضدهما الأول والثانية وإلزامهما بالمصاريف عن الدرجتين وعشرين جنيها مقابل أتعاب المحامين ..

 

صدر الحكم وتلى علنا يوم السادس عشر من المحرم لسنة 1416 هجرية والموافق 14 يونيه 1995 .

 

إظلام

 

 

 

لاشفنا قتل ألابرياء 

 

               باسم قضية

 

بتتنسب للآلوهية

 

                 ظلم وتزوير

 

ولاشفنا دعوى باسم الدين

 

                   لفصل زوجين

 

اختاروا بعضيهم لاتنين

 

                  حب وتقدير 

 

 

دا  ربنا قال لنبينا

 

                    وهو هادينا

 

علم النوايا في إيدينا

 

                   بس أنت نذير 

 

 

لا قال له فتش في النية

 

                  وطلق ديه

 

وخلى قتل الناس غيه

 

                  لعيل وغرير 

 

 

الفكر بتواجهه الأفكار 

 

                 لا حديد ولا نار

 

أما اللي حاصل فدا عار

 

ملهوش تبرير

 

المشهد الثامن

 

يدق جرس التليفون مرارا , يدخل للصالة د . نصر أبو زيد ووراءه . ابتهال التى تجلس على كرسي بينما يردد . نصر على التليفزيون .

 

د . نصر : أيوه يا فتحي لالا العفو يا سيدي أنا اللى بشكرك إنك فاكرنى لالا أنت بس اللى طيب وشايف كده … يا راجل دا قسم اللغة العربية في كليتي مفكرش يدعيني أناقش رسالة ولا أشارك في ندوة من ساعة ما جيت لهولندا ، ابتهال كويسة وبتسلم عليك .

 

د . ابتهال ( بهمس ) مين معاك

 

د . نصر ( مخفيا صوته عن السماعة )

 

فتحي عامر من جريدة العربي , لا يا فتحي … أنا مش هرجع مصر إلا بعد ما يلغوا حد الردة , عموما الفاكس وصل ؟

 

الخط كويس ظاهر ؟ … طيب الحمد لله عموما أتمني تبعت لى نسخة من الجرنان في البريد , طيب سلام مع السلامة

 

د . ابتهال : مخلص فتحي ده .

 

د . نصر : قليل اللى بيفتكر الناس ويسأل عنهم , بيقول هينزل الحوار على 3 أعداد متصلة وفى العدد الأسبوعي .

 

د . ابتهال : وحشتني مصر قوى .

 

د . نصر : مش قد اشتياقي ليها ولناسها وكتابها , حتى المختلفين معاك واللى يشتموك لكن بتحس ساعتها إنك عايش وليك لازمة .

 

د . ابتهال : إيه يا د . نصر , يعني إحنا هنا ملناش لازمة , طب شوف إنت هنا عامل إيه مع الطلبة الآسيويين والإفريقيين , تحس إنها عايزة تفهم وتناقش وتستفيد .

 

د . نصر : ما هو ده اللي مفرحنى , وبرغم كده مدرجات كلية الآداب في مصر أدفأ . تحسي بنبض الحياة في كل اللي قدامك , عكس المشاعر الباردة هنا في هولندا .

 

د . ابتهال : بدأت تحن يا نصر .

 

د. نصر : يا ابتهال أنا عمرى ما نسيت جرحى , عمرى ما نسيت إنى هنا منفي بعيد عن أهلى ووطنى وأصحابي وكتبي وجيراني ,واللي مصعب على الآمر أني أنا ماناقشتش أفكارهم ولا حد ناقش أفكاري .

 

د . ابتهال أكتر من كده .

 

د . نصر : هو فيه ندوة ناقشت أفكارى مناقشة حقيقية ؟ , ده المسألة واحد كفرنى ففضل اتباعه يرددوا نفس المعني بصيغ مختلفة , كافر … كافر .

 

وناس قالت لا مش كافر , حرية الرأى حرية العقيدة .

 

د. ابتهال : طيب دى مصر كلها كانت مشغولة بالموضوع .

 

د . نصر : مشغولة بكافر ولا مش كافر , هنطلق ولا مش هنطلق .. أنا كان نفس أنقشهم وأناقش أفكارهم ويناقشوا فكرى .

 

د . ابتهال : ( وهى واقفة وتهم بالانصراف ) .. وده كان هيحصل إزاى وتلفزيون مصر تانى يوم حكم طلاقنا كان بيهلل لنجاة الرئيس من رصاص الارهاب في أديس أبابا , ومحاولش حتى يربط بين رصاص يوسف البدري وعبد الصبور شاهين ورصاص أديس أبابا . يا سيدي بقولك أيه أنا هدخل أنام .

 

د . نصر : أنا هاقعد شوية أخلص بحث في أيدي ( يجلس على مكتبه يقلب بعض الصفحات .. يريح رأسه على المكتب )

 

تخفت الإضاءة شيئا فشيئا ليتحول المشهد الى كابوس وتلعب الإضاءة والموسيقي دورا في هذا التحول , بل أتصور أن تدخل ضمن مفردات الإضاءة صور فوتوغرافية ( ببرجيكتور متحرك ) لعبد الصبور شاهين ويوسف البدري وفهمي هويدي ومصطفي محمود وآخرين , يتماشي ذلك مع تشكيلات حركية لهذه المجموعة وهى تصارع د . نصر ويصارعهم ..

 

أصوات : أنت عايز تناقشنا – أيوه أناقشكم – هنفرمك – أناقشكم وأموت – هتموت هتموت – هاتوا الكتب .

 

د. نصر في الكابوس مع د. عبد الصبور .

 

قلت عنى إنى بقول فيه كذا قرأن لآن كل قبيلة كانت بتقرأ القرأن حسب لهجتها ولا مقلتش

 

د . عبد الصبور أيوه قلت وإنت تنكر إنك قلت كده . نصر : مين قال الكلام ده سنة 66 في كتاب ” تاريخ القرآن ” مين إللي قاله ؟ أتكلم .. إتكلم ( يصارعه حتى يعترف )

 

د . عبد الصبور : أنا إللى قلت .

 

د . نصر : مش إنت إللي قلت إن لكل قبيلة قراية خاصة والرسول وافق على كده فاكر ولا لأ .

 

د . عبد الصبور : أيوه فاكر ده صحيح هما كانوا بيقرأو القرآن بالمعني مش باللفظ قدام الرسول .

 

د . نصر : حد إتهمك إنك كافر .. حد قال عليك إنك بتقول فيه ” كذا القرآن ” يا جبان يا خاين خنت نفسك وخنت علمك لما لقيت أموال الخطب في الجوامع وبركات السعودية والريان أكتر بعت علمك خنت أمانة العلم .

 

د . عبد الصبور : لا لا أنت كافر هاتوه المشنقة .. المشنقة

 

( يقع د . عبد الصبور على الأرض )

 

( د. مصطفي محمود مع د . نصر )

 

د . نصر : قلت عنى إنى انى بنكر  السنة واللي ينكر السنة ينكر القرأن ” .

 

وكفرتني وقلت إنى بطالب بالثورة على النصوص وقلت على لساني إن النصوص المقصوده هي الكتاب والسنة حصل ولا لأ ..

 

د . مصطفي حصل وإنت قلت كده

 

د . نصر : أنا قلت نرمي القرآن والسنة ؟ ؟ جبت الكلام ده منين قريت كتبى اتكلم .. أتكلم

 

د . مصطفي : لا . أنا قريت كلام د . عبد الصبور ود . بلتاجى عنك

 

د. نصر : وعملت ليهم دوبلاج . زي برنامجك ” العلم ” الايمان ورددت وراهم بدون علم ولا إيمان .

 

د . مصطفي : أنت قلت الكلام ده .

 

د . نصر : لآ . محصلش , أنا فرقت بين  الدين والفكر الديني , الدين من عند ربنا والفكر الديني هو فهمنا للدين .. الدين مقدس أما الفكر الديني ممكن نختلف لآن كل مفكر له رأيه .

 

د . مصطفي : الفكر الديني هو الدين يا كافر .

 

د . نصر : الفكر الديني رأى بشر زينا ممكن يبقي صح أو غلط , ولكن اللي زيك عاوزين يبقي كلامهم هو الدين وانا هفضل أكشفكم … أنتم فكر ديني مش دين سامع .. فكر ديني مش دين ( يصارعه ويضغط عليه )

 

د . مصطفي : أنا من قبلك قلت كلام زى ده و….

 

د . نصر : كنت برضه في الستينيات كان ممكن ييجي منك لغاية برضه ما بعت أفكارك لفلوس السعودية , مين كان بينتج لك برنامج العلم والايمان .

 

د . مصطفي : شركة السعودية .

 

د. نصر : كنت بتعمل إيه فيه تجيب شرايط علمية فيها كلام مهم تسمعه وتشوهه وتتحول الشرايط العلمية الى (مقلدا د . مصطفي ) شوف النحلة يا سلام على جناحاتها ورجليها أهى بتعافر عشان تشفط شوية رحيق وتعمل لنا عسل يا سلام يا عسل أنت سبحان الله سبحان الله ” هى دى البرامج العلمية الخطيرة شوهت العلم وخنت العلم وخنت أفكارك .

 

د . مصطفي : لا أنت مرتد وملحد هاتوا المشنقة .

 

( يسقط د . مصطفي محمود )

 

( د. نصر : يواجه فهمي هويدي )

 

د . نصر : وأنت يا فهمي هويدي هاجمتني واتهمتني بالكفر لآنى قلت على بعض النصوص إنها لها ظروف تاريخية خاصة , واتهمتني إنى بحاول أعطل النصوص الدينية وبأعبث بيها حصل ولا لأ .

 

فهمي هويدي : حصل وأنت فعلا قلت كده

 

د . نصر : جبت الكلام ده منين .

 

فهمي : من تقرير د . عبد الصبور ومن بعض كتاباتك .

 

د . نصر : سمعني اللي انا كتبته

 

فهمي : مش فاكر 

 

د . نصر : لأ فاكر بس مش عايز تقول الحقيقة .

 

فهمي : سيبني سيبني مش فاكر

 

د . نصر : أنا أسمعك ” ولا خلاف أن الدين يجب ان يكون عنصرا أساسيا في أى مشروع للنهضة والخلاف يتركز حول المقصود من الدين , هل الدين هو ما يطرحه المستغلون للدين أم الدين بعد تحليله وفهمه فهما علميا ينفي عنه الأساطير ويستبقي ما قبله من قوة دافعة للتقدم ” أتكلم يافهمي وقول الدين هوه إيه فيهم , أتكلم الدين الحقيقي هو اللي ما يتعارضش مع العلم , قول يا فهمي قول ( يصارعه ويضغط عليه )

 

فهمي : أنا ضد التعصب الديني صدقنى وضد الخرافات اللي …. 

 

د. نصر : أيوه ما انت طول عمرك بتلعب على الحبال , على فكرة دم مش كلامى ده كلامهم عنك لكنك حبيت تراضيهم بعد ما كفروك على حساب مين ؟ على حساب نفسك وفكرك أنت بعت نفسك للمتطرفين يا فهمي , بعت نفسك وفكرك يا فهمي .

 

( يسقط فهمي هويدى )

 

د . نصر : ( موجها حديثه للثلاثة ) انتوا بعتوا أفكاركم وأحلامكم ومارستوا الإرهاب على مسلم مؤمن . وانتهكتوا حرمة بيته ومراته وشهرتوا بيهم وشردتوهم بره وطنهم وخليتوا الدين مجرد وقود لنار أفكاركم وحولتوا التفكير والتحليل لتدجيل واليسر لعسر والنعمة لنقمة واللي يخالفكم تولعوا النار حواليه , بس عايز أقول لكم كلمة : نار التكفير اللي انتوا بتولعوها دي هتحرق مصر كلها وانتوا أول اللي هيتحرق بيها نار التكفير اللي انتوا بتولعوها دي هتحرق مصر كلها وانتوا أول اللي هيتحرق بيها 

 

إظلام

 

 

 

 

 

 

 

 

المشهد التاسع

 

إضاءة كاملة على د . عبد الصبور ود. مصطفي  محمود وفهمي هويدي يمسك بكل واحد منهم ثلاثة من أعضاء الجماعات , الملتحى واثنان عن اليمين واليسار وواحد يقف وراءه وهو أعلى منه , تخفت الإضاءة عليهم لتصبح بقعة ضوء تنتقل من مجموعة لمجموعة ويقرأ الثلاثة معا حيثيات اتهام كل واحد منهم بالتقطيع الاضائي بينهم.

 

المجموعة الأولى المحاصرة لعبد الصبور شاهين بصوت جماعى : وقد تبين لنا أن الدكتور عبد الصبور شاهين قد ألف كتابا أسمه ” أبي أدم  قصة الخليقة ” وقد خرج فيه عن صحيح الدين الاسلامي .

 

المجموعه الثانيه المحيطة بالدكتور مصطفي محمود .

 

وقد اتضح لنا أن الدكتور مصطفي محمود قد ألف كتابا أسماه ” الشفاعة ” وقد خرج فيه عن صحيح العقيدة الإسلامية .

 

المجموعة الثالثة المحيطة بفهمي هويدي : وقد تبين لنا أن الكاتب العلماني فهمي هويدى قد كتب عدة مقالات في الأهرام هدم فيها ثوابت راسخة في الدين الاسلامى .

 

المجموعة الأولى : وقد انتهي وياللعار هذا المؤلف الى نتيجة في كتابه من شأنها هدم ثوابت الأمة وهى ان أدم ليس أبا البشر وأن حواء لم تخرج منه .

 

المجموعة الثانية : وقد تبين أن الدكتور مصطفي محمود قد أنكر السنة ومن ينكر السنة فقد أنكر القرآن الكريم لآنه رفض أحاديث الرسول التى تقول أنه شفيع أمته يوم القيامه وكلام الرسول وحى يوحي .

 

المجموعة الثالثة : لقد نادى أن حد قطع يد السارق يجب ألا يطبق في مصر لآن 40% منها تحت خط الفقر ونادى الا يحج المصريون عام 93 ليوفروا تكاليف الحج ويتبرعوا بها لمسلمي البوسنة .

 

المجموعة الأولي : لقد أساء د . عبد الصبور الحديث عن رب العالمين وكذب الأحاديث الصحيحة وأنكر ما هو معلوم من الدين بالضرورة .

 

المجموعة الثانيه : لقد تطاول على آيات القرآن الكريم وطالب بحرق كتب السنة وادعي تناقض أحاديث الرسول مع القرآن الكريم .

 

المجموعة الثالثة : وقال عن أحاديث صحيح للرسول إنها لا تصلح إلا لحادثة تاريخية قديمة ولا تصلح لعصرنا الحالى مثل حديث تحية غير المسلمين وحديث تولى المرأة شئون الحكم .

 

المجموعه الأولى : ولما كان ما فعله أشد خطورة على الإسلام مما فعله طه حسين ونصر ابو زيد وطالبناه بالتوبة فرفض لذلك قررنا رفع قضية تفريق بينه وبين زوجته لإثبات ردته عن الإسلام .

 

بينما تضاء إضاءة خافته على المجموعه الثلاثة وتتلى قرارات اتهامهم بالإشارة فقط يسمع صوت مقوله نصر حامد أبو زيد ” نار التكفير اللي أنت بتولعها هتحترق مصر كلها وانتوا أول اللي هيتحرق بيها تكرر الجملة عدة مرات

 

الختام

 

 

 

أولا : – المراجع الرئيسية :

 

قصة أبو زيد وانحسار العلمانية في جامعة القاهرة إعداد د . عبد الصبور شاهين دار الاعتصام بدون تاريخ .

 

جريدة الاهالى ( كتاب في عدد خاص من الاهالى ) عدد يونيو 1995

 

ثانياً : – مراجع أخري

 

 

مفهوم النص تأليف د . نصر حامد أبو زيد المركز الثقافي العربي يونيو 1990 .

 

الامام الشافعي دار سينا للنشر 1992 تأليف د . نصر حامد أبو زيد .

 

التفكير في زمن التكفير تأليف د . نصر حامد أبو زيد يوليو 1995 مكتبة مدبولى.

 

نقض مطاعن أبو زيد تأليف د .إسماعيل سالم دار المختار الاسلامي 93 .

 

نصر أبو زيد بين الكفر والايمان إعداد محمود فوزى دار الرائد 1995 .

 

العواصم من قواصم العلمانية تأليف د . عمر عبد الله كامل تقديم عبد الصبور شاهين دار التراث الاسلامي 1998 .

 

رأى القضاء في قضية نصر أبو زيد إعداد د . إسماعيل سالم برقم إيداع 11651 / 95 دون كتابة دار النشر .

 

عدد خاص من مجلة القاهرة العدد 159 فبراير 1996 .

 

أبي أدم تأليف د . عبد الصبور شاهين مكتبة الشباب 1998 .

 

أبي أدم الخيال الجامع والتأويل المرفوض تأليف د . عبد العظيم المطعني مكتبة وهبة 1999 .

 

الشفاعة تأليف د . مصطفي محمود كتاب اليوم يوليو 1999 .

 

دفع أباطيل د . مصطفي محمود في إنكار السنة النبوية تأليف د . عبد المهدى عبد القادر دار الاعتصام 1991 .

 

حوار مع د . مصطفي محمود في الشفاعة تأليف د . طه الدسوقي برقم إيداع 9552 لسنة 1999 بدون دار نشر .

 

عمائم وخناجر أليف ابراهيم عيسي دار سفنكس 1993 .

 

عدد خاص من مجلة أدب ونقد العدد 120 أغسطس 1995 .  

 

 

ثالثاً : – مؤنسات القراءة

 

الاسلام وحرية الفكر تأليف جمال البنا دار الفكر الاسلامي 1999 .

 

ظاهرة التكفير شبهات وردود تأليف عبد الفتاح شاهين دار الاسراء 1999 .

 

الاسلام السياسي تأليف فرانسوبورجا ترجمة د . لورين ذكرى تقديم د . نصر حامد أبورذ دار العالم الثالث 1992 .

 

الارهاب تأليف د. فرج فوده 93 طبعة خاصة بالمؤلف .      

 

حوار حول العلمانية دار المحروسة للنشر 1987 تأليف د .  فرج فوده

 

قبل السقوط تأليف د . فرج فوده طبعة أولى 1985 .

 

لتطبيق الشريعة لا للحكم تأليف خليل عبد الكريم كاتب الاهالى مايو 1987 .

 

ثالثا : الصحف والمجلات

 

الشعب 16 /4 / 93 – 4 /5/93

 

الأهرام 10/4/93 – 20/4/93 – 16/6- 23/6 -28/4-30/6-31/3-7/4-14/7 – 21/7 – 28/7-4/8-18/2/94 -2/2/94 .

 

الوفد 8/ 4/ 93 – 6/4/93 .

 

الاخبار 16/4/93 – 31/3- 7/4 – 12/4 -14/4- 5/5 .

 

الحقيقة 17/4/93 – 8/5 -1/5-10/4.

 

أكتوبر 25/7-14/11- 21/11/5/12- 19/12

 

عقيدتي 6/4 .

 

المسلمون :30/4

 

اللواء الاسلامي 15/4 حريتي 9/5/93 .

 

العروبة 27/4 الجيل 30 /5 /99 .

 

المصور 20/4 -19/11-13/12- 24/12 – 17/ 12 .

 

المساء 6/4 .

 

الاهالى 7/4 – 14/4-5/5-31/3-28/4-1/9-24/11 8/ 12 – 15/12- 26/1/94

 

الحياة 13/4 .

 

صباح الخير 15/4 – 24/ 6

 

الوطن العربي 23/4

 

الناقد أغسطس 93

 

الصحافة التونسية 11/4

 

روزاليوسف 3/5- 22/5- 22/11- 29/ 11- 27/12- 1/1/99

 

الهدف 9/5 – 5/12

 

الاداب يونيه 93

 

الى الإمام 18- 24/6

 

الميثاق 27/6

 

العربي 22/11- 16/8/29/11- 7/11- 14 / 11 – 21/11 /99

 

الشروق 8/ 12/93

 

الاسبوع 2/5/99 – 26/4/99- 14/6/99 

 

 

 

 

الكاتب في سطور

 

أشرف أبو جليل

 

من مواليد 1967 بالفيوم

 

عضو اتحاد كتاب مصر

 

صدر له من قبل

 

1- شجرة البدايات ( ديوان شعر ) عن هيئة قصور الثقافة

 

2- أغنية للاكتمال ( إعداد ) عن هيئة قصور الثقافة

 

3- إبداعات من الفيوم ( إعداد ) عن هيئة قصور الثقافة

 

4- رصاصة في العقل ( مسرحية ) المركز القومي للمسرح عن الدكتور فرج فوده .

 

موجه أول التربية المسرحية بإدارة مصر القديمة التعليمية

 

مؤسس وأمين عام مؤتمر الفيوم الادبي الأول

 

مؤسس ومشرف عام مهرجان سعد الدين وهبه السنوى بالمعادى

 

له العديد من الدراسات النقدية المنشورة بالصحف والمجلات المصرية

 

تخرج في دار العلوم 1992 .

 

  

About these ads

الإجراءات

Information

One response

15 10 2010
nehad

ah el gmal dh

أضف تعليق

Please log in using one of these methods to post your comment:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s




تابع

Get every new post delivered to your Inbox.

%d مدونون معجبون بهذه: